സംഘത്തിന്റെ പ്രാരംഭം: തങ്ങളുടെ സാമ്പത്തിക പ്രതിസന്ധികളെ ചൂഷണം ചെയ്ത് വളർന്ന വട്ടിപ്പലിശക്കാരുടെ ദൂഷിത വലയത്തിലായിരുന്നു ഒരു കാലത്ത് ഹൈക്കോടതിയിലെ തുച്ച വരുമാനക്കാരായ ഭൂരിപക്ഷം ജീവനക്കാരും. അതിൽ നിന്നൊരു മോചനമാർഗമെന്ന നിലയിലാണ് ദീർഘവീക്ഷണമുള്ള ഏതാനും വ്യക്തികൾ ചേർന്ന് സഹകരണസംഘം ആരംഭിക്കുന്നത്. 1988 ജൂണിൽ പ്രവർത്തനമാരംഭിക്കുന്നതിന്, മുൻ സുപ്രീം കോടതി ജഡ്ജി ആയിരുന്ന ജസ്റ്റിസ് കെ.എസ് പരിപൂർണൻ അവർകളുടെ മാർഗനിർദ്ദേശങ്ങൾ ഏറെ സഹായകരമായി. മിതമായ നിരക്കിൽ അംഗങ്ങൾക്ക് വായ്പ നൽകുക, അവരുടെ സമ്പാദ്യശീലം വളർത്തുക എന്നിവയായിരുന്നു തുടക്കത്തിൽ ലക്ഷ്യം വച്ചത്.